TAG:10Beauty Products I Can't Live Without ..

#

تاق جميل من البنات استفدت منهم الله يعطيهم العافية , عجبني و حبيت أعرض اللي عندي بعد 

و المنتجات اللي مقدر أستغني عنها هي :  

1.كريم مرطب :

أستخدم اولاي خفيف و جميل ع البشرة و يرطبها..

 2.فاونديشن استي لودر : 

أخفف بكريم مرطب في الصباح .. سويت رفيو عنه ..

3.ماسكرا ميبيلين :

جميلة و تكثف الرموش , وتعطي لوك حلو للرموش ..

4.بودرة ماك :

تعطي لوك مات و خفيفة ع البشرة و تثبت الفاونديشن..

5.كونسلير ايف سان لوران : 

جميل جداً تغطيته عالية .

6.بلاشر ريفلون:

 003: ثابت و جميل ..

7.كحل لانكوم..

سواده عجبني ..

8.روج ريفلون 003 :

 لونه خفيف و جميل يناسب أغلب اللوكات سواء سموكي آي أو رسمة عين أو حتى لمن يكون المكياج خفيف ..

9.آي شدو من جيفنشي : 

حلو و فيه كذا لون ينفع للصباح و السهرات ..

10.قلوس ريميل :

جميل و يحلي الروج و يثبته ..

hope you enjoy ..

مساء الخير  

اليوم حابه أسوي بوست عن أحمر الخدود " Blusher " 

و للأمانة المنتجات اللي راح أعرضها مجربتها ..

ريفلون : revlon 003 blush

كلمة جميل قليلة بحقة  ثابت و لونه رايق و يعطي منظر طبيعي و مورد للخدود 

أستخدمه بكل مكان الجامعة و العزايم مع أنه رخيص بس فعلاً جميل راح أشتري إن شاء الله منه كذا لون

انصح فيه مرة من ناحية سعره مناسب و ثباته حلو .. و الماركة هذي جميلة راح أعتمدها لبلاشرات الصباحية 

و الطلعات العادية و البيت لانها جد مناسبة ..

برجوا :درجته 48 

حلو و ماعليه بس مايثبت مع أنه الوانه حلوة الا انه تحسفت اني شريته لانه ثباته مو ذاك الزود

ممكن ينفع للجامعة لانه خفيف ع البشرة لكن ما راح أرجع أشتريه .. 

إذا ودك ترمين فلوسك بالشارع أشتري ذا  فاشل بمعنى الكلمة كني حاطة طحين ع وجهي مو بلشر 
مرة ما أنصح فيه لانه سيء ..

ماك : انمسح اسمه من الكرف  

ماك يا ماك  أنا و صديقتي من عشاق هالماركة

و أظن اللي بمجمع العرب حفظوني  هالبلاشر جمممميل يعطي لوك و توريد طبيعي للخدود

 روعة مرة حلو ع الوجة هو التوب عندي بعده يجي ريفلون ,

 ثباته قوي و لونه رايق ما يروح يعني تروحين و ترجعين و اللون موجود 

مره أنصح فيه بقوة بعد  ..

اللون اللي عندي خوخي ع وردي 

لانكوم :

فخامة  ثابت و لونة جميل و رايق يعطي لوك فخم و إذا حطيت منه اكون واثقة اني ما أرجع أعيد عليه

او أحس انه راح , أنصح فيه , بس انه غويلي تصغير غالي 

بس جد جميل و رايق ..

و بكذا أكون خلصت أتمنى أن هذا البوست أعجبكم ,, 

الله معكم ..

#


مسااااء الخير يا حلوين 

اليوم جايبه لكم بوست عن الكحل اللي داخل العين 

طبعاً أي وحده ودها تطلع دايم جميلة  و مكياجها يكون رايق و حلو 
و العين معروف أنها نص المكياج ..

أنا جربت كذا كحل داخل العين 
و الحين موقفه على كحل من ريميل جميل مره 

كحل لانكوم  كحل جميل يخلي العين لها منظر جميل أسود فاحم ثابت حلال فيه كل ريال جميل بمعنى الكلمة مرة أنصح فيه 

كحل ماك أنا أحب ماك و من عشاقها بس هذا الشيء كان صدمة لي  مايحكل و لا لون و لا شيء أحط يقلب رصاصي 
ما يبرد القلب مرة اتحسفت أني شريته  ما أنصح فيه صراحة ..

كحل بودي شوب يمشي حاله سوداه مو مرة أنا أستخدمه على الجفن رسمه عين  و على خط الرموش السفلية و أوزعة بالفرشة 
حلو و يثبت لكن ك كحل داخل العين مره ماينفع ..

كحل ريميل  هذا الشيء جميل جداً مره أحبه
 أنا الحين أستخدمه و أعجب امي حبيبة قلبي بعد 
سواده قوي و ثابت استخدمه بكل مكان
و مره انصح فيه و سعره حلو و مايسبب حساسية أبد 
خفيف و جمييييل 

أتمنى البوست يكون عجبكم  

 

#


ياهلا و سهلا فيكم . .

اليوم حبيت أسوي رفيو بسيط عن الكريمات اللي جربتها ..
راح أذكر  لكم وش الأفضل وش الأسواء و هل تستاهل أن أشتريها مرة ثانية ..

بسم الله ..

1.كريم 21 : برو فيتامين 5  : 
هالكريم ترطيبه عالي و يعطي نعومة و يبيض مع الأستخدام المستمر يجي منه كريم و يجي منه لوشن ,
الكريم أثقل من اللوشن , و البروفيتامين 5 يعمل على ترطيب الجلد و تجديده و شفاءه من التشققات و الجفاف ..
هذا الكريم راح أرجع اشتريه و بشتري اللوشن بعد لانه ترطيبه حلو و كمان مره ممتاز للتشققات كعب الرجل
أستخدمته أسبوع راحت الحمدلله بس لازم تلبسين شراب أو تحطينه و أنت بتنامين ..
و أنصح فيه للبشرة العادية و الجافة ..

2.كريم جونسون بزبدة الشيا ..
كريم مرطب خفيف فيه ريحته جميلة يرطب لكن ترطيبه وقتي ,يعطي نعومة و ملمس حلو لليد , أستخدمه بعد الوضوء تمتصه البشرة بسرعة .. زبدة الشيا مرة ممتازة لترطيب الجسم كامل , و هالكريم  جميل يعطي نعومة و ريحة حلوة لازم يكون عندك أستخدميه بعد الوضوء قبل ماتروحين مكان إذا كنتي تبين ترطيب و طراوة بس مايكون ثقيل هذا أنسب شيء لك , هذا رابع مرة اشترية , أنصح فيه ^.^

3.زبدة بودي شوب بالفراولة ..
هذي الزبدة سيئة جدا لا ترطيب ولا شيء بس ريحة و ليت ريحة فراولة مدري من كاذب عليهم وقالهم انها بالفراولة 
ما أعتبرها زبدة جسم ابدن لانه قوامها خفيف تعتبر كريم للبشرات العادية بس ما انصح ابددددددن فيه ..

4.كريم من هملايا:
كريم جميل خفيف ريحته حلوه ترطيبه معتدل .. بس ماراح اشتريه مرة ثانية .

5.زيت جونسون الوردي : 
جمممميل أتعب وانا أقول جميل هذي رابع علبة عندي ^_^ بعد الشور مع مسك عبدالصمد القرشي (فيس دايخ ) XD
ريحته أطفال , مقدر أعيش من دونه اللي يميزة أنه خفيف ع البشرة ويعمل ع ترطيبها  و يعطي لمعة حلوة .. أنصح فيه مرررره ..

6.جلوسليد :
عاد هذا في كل بيت .. ثقيل لكن ترطيبه عالي جدا و مع الأستخدام المستمر يبيض *_* يعطي نعومة و ليونة و ملمس
ناعم للجلد و يجلس فترة طويلة .. بس انا ماناسبني عشان بشرتي دهنية , بس إذا كانت بشرتك عادي او جافة
مرررررره مناسب لك و انصحك تشترينه اليوم قبل بكرا لانه افضل كريم لك راح يكون و مافي ريحة عطور..

7.فازلين بزبدة الكاكاو :
جميل خفيف شريته من فترة يرطب و حلوه ع البشرة , بس عيبه ريحته انا ماحبيتها , ماراح اشتريه مرة ثانية ..


و بكذا أكون خلصت أتمنى أستفدوا من هالرفيو الخفيف ..