welcome again
اليوم رجعت لكم بعد غيبة طويلة حبتين +_+
بس من طول الغيبات جاب الغنايم ..
راح أتكلم اليوم عن الميك اب اللي جربته و اللي أنصح فيه طبعاً الصور من النت
لأني مو موجودة حالياً بالبيت .. بس للامانة المنتجات اللي راح أحطها مجربتها ..
نبدء بالفاونديشن إللي هو كريم الأساس :
estee lauder double wear
كريم أساس ثقيل شوي ينفع للمناسبات أنا أحطه للزواجات بحكم أن لي كم سنة أسوي مكياج الزواجات و العزايم بنفسي
حماية الشمس فيه spf10 درجة معقولة .. و أصلاً مو مهم لانه ما أحطه إلا بالليل , ميزته أنه مايكتل مهما حطيت مو زي الكريمات الثانية أو يكون طبقة مزعجة وما يسوي قشور تغطيته ممتازة , بس أهم أهم شيء تحطين قبله بيس إللي هو كريم مرطب أنصح فيه إذا كنتي تبين تغطيه عالية و لوك حلو و جميل أنا أستخدمه مع بودرة ماك أستديو فيكس ..
مكان الشراء: دبنهامز .
صراحة بودرة ولا أرررررروع تعطي لوك جميل و ناعم .. و هذي البودرة ما أستغني عنها و أنصح فيها ثابتة و ماتعطي
لون رمادي زي بعض البودرات ,خفيفة و الأهم أنها تدوم ساعات ..
مكان الشراء : ماك اللي بمجمع العرب .
كريم الأساس أعطيه 9 من 10 نقصت درجة لأنه سعره غالي حبتين ولا هو ممتاز بس لو يخضون سعره شوي
البودرة أعطيها 100000 من 10 ههههه لأاني احبها
أسعارهم : الكريم 220 أعتقد والله أعلم لاني شاريته من فترة .. البودرة حدود 120 ...
نجي للفاونديشن الثاني :
كريم أساس ysl
كلمة جميل و روعة قليلة بحقه , خفيف على البشرة تغطيته ممتازه وما يتكتل و ما يتقشر ينفع للمناسبات و العزايم
ولازم قيله كريم مرطب , أستخدمته مع بودرة ماك أعطاني لوك حلو و مرتب ..
أعطيه 9 من 10 عشان مرة سايل و اذا ضغطتي يطلع بسرعة و يعدم ..
لكن عن مفعوله مره أنصح فيه للي مايحبون كريم الأساس ثقيل ..
سعره : 200 و فوق -_-
نجي لكريمات الأساس اللي تنفع للجامعة و الدوام و خفيفة و جميلة :
bourjois healthy mix
جميل و خفيف ع البشرة تغطيته متوسطة ما يتكتل لانه خفيف , سعره مره حلو ب 80 ريال حماية من الشمس 15 درجة حلوة
ريحته فواكة مرة أنصح فيه للجامعة و الدوام ..
مكان الشراء : سنتر بوينت
كريم الأساس الثاني
MAC Pro Longwear
تغطيته متوسطة خفيف بس مشكلته يتقشر يمكن عشان بشرتي حساسة ما ناسبه بس كثير يمدحونه و خالتي أولهم ناسب بشرتها و عجبها
أنا كان عندي وكنت مرة كارهته ماعجبني لازم ترطبييين وجه مررررره و انا بشرتي حساسة اذا كثرت شيء مو متقبلته البشرة تنعدم
مع اني من عشاق ماك بس كريمهم اعجبني أبدن ..
أعطيه 6 من 10 ..
و بكذا خلصت من كريم الأساس ..
نجي للبودرة :
طبعاً زي ماذكرت فوق بودرة ماك التوب عندي بلامنازع تجي بعدها ..
بودرة ysl
حلوة و ترتب الوجه و تعطي لوك ناعم مو كنك حاطة طحين مو ثقيلة خفيفة و تدوم ساعات جمممميلة و الله ..
نجي للكونسيلر :
كونسيلر ماك :
جميل تغطيته حلوة للهالات و الأثار بس عيبه انه ما تخلينه فترة بدون استخدام لانه يصير فيه موية غريب و رميته بعدها ..
الثاني :
كونسيلر ysl
هذا الشيء جميييييييييييييييييييييييييييييييييييل من هنا الين بعد مية سنه روعة يغطي الالات و الأثار ويعطي لوك طبيعي
مايتكتل أو يكوون طبقة تقيلة روعة راح أشترية من مية حبة ههههههههه مرة أنصح فيه ..
سيئ سيئ سيئ لا تغطيه ة و لاهم يحزنون بس ضيعت دراهمي ع الفاضي هذا اخرت اللي يسمع كلام اابنات اللي بالمحل الله يسامحها قلت لها ابي شيء زين
و حلو لكن شكلها بس تبي تمشي بضاعة ..
و بكذا أكون خلصت الحمدلله أتمنى أنه يعجبكم الرفيو ^_^ ..
و أي أسئلة أنا حاضرة ,,
ليست هناك تعليقات:
إرسال تعليق